TEATRO

Compañía: Juanito y Filomena

Espectáculo: ReVolta

Xénero: teatro comedia

Autoría e adaptación: Cía. Juanito y Filomena

Dirección: Irene Moreira

Escenografía e vestiario: As dúas e punto

Deseño de son e música: Alejandro Gayoso

Deseño de iluminación: Álex Sobrino

Intérpretes: Rocío Romero e Arantxa Treus

Idioma: galego

Idade recomendada: público adulto

Duración: 60 minutos

Prezo: 10 €

Os primeiros prehistoriadores, que só eran homes, pensaron que nese período ocorría o mesmo que na súa sociedade, é dicir, que as mulleres eran inferiores aos homes.

A peza é unha viaxe que cuestiona a nosa aprendizaxe facendo paradas nas iconas máis representativas para sometelas ás últimas teorías sobre a evolución humana ou guindar luz sobre os episodios máis escuros da nosa historia.

A través de escenas delirantes, as últimas achegas históricas que reconducen a visión machista que nos contaron. Entrevistando a Lucy (a primeira homínida), para coñecer de primeira man como era a sociedade paleolítica. Elena Francis, a voz da radio española da ditadura que lle servía ao réxime para instruír as mulleres. Todas estas paradas sen deixar atrás a teoría de Lynn Margulis, que demostrou que Darwin estaba errado, porén todas coñecemos o nome de Darwin e non de Margulis.

Para reseteármonos como humanidade igualitaria temos que revisar con mirada crítica o que xa sabiamos a través do humor, nunca desde a mala conciencia ou a culpa, senón dende un eido historicamente masculino: a comedia.