TEATRO

Compañía: Producións Teatráis Excéntricas

Espectáculo: O PORCO DE PÉ

Xénero: teatro comedia

Autoría: Quico Cadaval & Pepe Sendón (versión libre da novela de Vicente Risco)

Dirección: Quico Cadaval

Escenografía e vestiario: Carlos Alonso

Deseño de son e música: Piti Sanz

Deseño de iluminación: Octavio Mas

Intérpretes: Patricia Vázquez, Evaristo Calvo e Víctor Mosqueira

Idioma: galego

Idade recomendada: público adulto

Duración: 90 minutos

Prezo: 10 €

Porco, o animal totémico dos cocidos e dos entroidos, toma os teatros para demostrar a súa superioridade sobre os seres humanos. Teatro de barracón, aquel que, na infancia, nos fascinaba e nos asustaba a partes iguais. Un farol mortizo, un chan de serraduras, unha cortina vermella e, de súpeto, aparece o porco en elegante pose de equilibrista a sosterse sobre os pés, a finxirse un ser humano con tanta graza, que resulta imposible distinguilo.

Vai para cen anos, Vicente Risco detectou unha nutrida presenza porcina vestida con elegantes abrigos e chapeus a confundirse cos propios burgueses. Descubriu que estaban entre NÓS! A divertidísima sátira do ourensán, a medio camiño entre o circo, o barracón, os fantoches e o cabaré, ten hoxe máis vixencia ca nunca.