Sinopse:

Festina lente é unha locución latina cuxa tradución literal é «Apresúrate amodo».

Esta peza busca unha reflexión do momento presente no mundo no que a pel pantalla coloniza as nosas relacións, corpos multitarea, corpos expostos, corpos cansos, corpos saturados polos mecanismos dun tempo que non entende de pausas.

Preguntámonos se é posible o encontro, mirar iso que non se ve. Preguntámonos como deixar aparecer novas realidades fóra do vórtice do capitalismo que devora, cada vez máis, as nosas corporalidades. Preguntámonos polas estratexias para lograr permanecer xuntas fronte á alienación.

Unha coprodución co Centro Coreográfico Galego, AGADIC. En residencia na sala *Ártika de Vigo. Co acompañamento de Galicia Danza Contemporánea.