Compañía: DeuVe

Espectáculo: 3240

Xénero: teatro contemporáneo

Autoría: Deborah Vukusic

Dirección: Cristina Moreira

Escenografía: José R. Bas

Deseño de son e música: Jesús Andrés Tejada

Deseño de iluminación: Javier Quintana

Vestiario: Jandro Villa

Coreografía: Marta Alonso Tejada

Intérprete: Deborah Vukusic (coa colaboración especial de Antea Rodríguez, Cecilia Vázquez, Marielvy Martínez, Hummy Donado, Monti Castiñeiras e Tito Asorey (“Nick Cave”)

Idioma: galego

Idade recomendada: público adulto

Duración: 70 minutos

Prezo: 8 €

3240 podería ser o título dunha película de Wong Kar-Wai, a matrícula dun coche ou o contrasinal dunha caixa forte, por exemplo, pero en realidade é o prezo do amor. O amor por un mito.

Que pasaría se a persoa á que sempre admiraches se puxese en contacto contigo? Que farías por coñecela? Canto custa un litro de endorfinas?

No ano 2020 os delitos informáticos aumentaron o 70%, o equivalente aos cometidos nos 5 anos anteriores e esta é unha historia baseada en feitos reais sobre as relacións nas redes, a mitomanía, as obsesións e as estafas.

Un relato gótico e romántico para falar da tecnoloxía e a soidade, do catfishing, o doxing e todos INGs Direct aos que a protagonista lle debe cartos por culpa do amor. Axudaraa esta peza a recuperarse? Axúdala ti?